Уи цIэр Мадинэ хьэмэ Маринэ?

Зи ныбжьэгъу пэжыр зыфIэкIуэдауэ,
Сэ къуажи къали къызощ,
Махуэл симыIэу укъызолъыхъуэ,
Сыщыпхуэзэнур дапщэщ?
Хэтхэ узипхъур,
Хэт узишыпхъур,
Сэ си насып зыхэлъ?
Уи цIэр Мадинэ
Хьэмэ Маринэ?
Зэ закъуэ уэ къысхукъуэплъ.
НэкIукIэ зэкIужрэ хьэлкIэ гущыкIыу
Тетщ хъыджэбз Iэджэ дунейм,
Ахэм уащыщу укъыщIэкIыну,
Си тIасэ, сэ сыхуэмей.
Уэ укъэзгъуэтмэ, гъэмахуэ розэу,
Мы си гум зызэIуихынщ,
ИгъащIэ псокIэ сыарэзыуэ
Гум и IункIыбзэр уэстынщ.
Уи гум сэр папщIэ илъу зы хъуаскIэ
Уэ зыкъэзгъащIэ къудей,
Сыарэзыщ сэ зэхэдублэнкIэ
Ди хьэгъуэлIыгъуэр пщэдей.

Vocabulary:

1. хьэмэ: or, either… or…
2. ныбжьэгъу: 1. friend, pal, mate, comrade 2. comrade (form of address in the soviet union)
3. пэжыр: see псалъафэ зэпыщӏахэр
4. махуэл: see псалъафэ зэпыщӏахэр
5. дапщэщ: when, whenever
6. хэт: 1. who (only about people) 2. as a separator
7. насып: happiness, joy; luck, good fortune
8. закъуэ: 1. the only, lone, singular 2. alone, lonely
9. хъыджэбз: 1. girl 2. virgin
10. гъэмахуэ: summer