Дыхейкъым…

Лъыпс-пщIэнтIэпс зэпкъуэкIыу,
Жэщым укъэушмэ -
Закъуэныгъэм зыкъыуишэкIауэ…
ЗэшэкI абы щыгъуэ
ПкIуэцIылъ сабиипсэр
Анэм ещхьу уегужьеекIауэ.
ГуэныхьыщIэщ Iэхэр,
Бзэхэр гуэныхьыбэщ -
Дунейм теткъым хейуэ зы псэ гуэр.
ЛIэщIыгъуэ абрагъуэ зи кIыхьагъ мафIэсу,
Гуэныхь шэрхъщ мы дызэрыт дунейр!
Лъыпс пщIэнтIэпс зэпкъуэкIыу жэщым укъэушмэ;
Псэр зыхуэмеижыр къыплъихьамэ,
ЗешэкI абы щыгъуэ
УимыIэж анэпсэм -
Сабийм хуэдэу уегужьеекIауэ.
Гуэныхьыбэщ бзэхэр,
Iэхэр гуэныхьыщIэщ -
Дунейм теткъым хейуэ зы псэ гуэр…
ЛIэщIыгъуэ шынагъуэ зи кууагъ псэ уэру,
Гуэныхь шэрхъщ кIэрахъуэу щIы хъурейр.

Vocabulary:

1. абы: he, him, she, her, it (ergative case)
2. щыгъуэ: mourning, grief
3. ещхьу: 1. similar, like, in an analogous way 2. good, as it should be
4. псэ: soul; possessing a soul or life-force; presence of life
5. абрагъуэ: giant, enormous, great, colossal
6. гуэныхь: sin
7. лъыпс: blood
8. хуэдэу: 1. as, like 2. as though, as if, like
9. шынагъуэ: 1. terrible, horrible, frightening, scary (for example, beast) 2. dangerous, perilous
10. кууагъ: depth, deepness, profundity, profoundness