Гъатхэ жэщхэм умыжей

Гъатхэ жэщхэм умыжей, си нэху,
Гъатхэм щIылъэр щхъуантIэу зэлъыIуех.
Сэ уэр папщIэ си гур зэIузох,
Дунейм теткъым абы ищхьэ Iуэху,
Сэ уи закъуэщ зыхуэсIуатэр щэху.
Гъатхэ жэщхэм умыжей, си нэху,
Вагъуэхэм къолъэIуу нащхьэ къащI,
Укъэсшэну мурад сэ пхузощI,
Дунейм теткъым абы ищхьэ Iуэху,
Хъыджэбз нагъуэ дахэу си Iэхулъэху.
Гъатхэ жэщхэм умыжей, си нэху,
Гъатхэ пшапэр мащIэу зэхэуам,
ЦIыху насыпыр къыхыхьам хьэуам,
Дунейм теткъым абы ищхьэ Iуэху,
Сэ абдеж уэ уи гум сумыгъэху.
Гъатхэ жэщхэм умыжей, си нэху,
Бжэр къыIухи щэхуурэ къыщIэкI,
Уи хъыджэбз насыпыр блумыгъэкI.
Дунейм теткъым абы ищхьэ Iуэху,
Сэ сыппоплъэр, си тхьэрыкъуэ пщэху.
Гъатхэ жэщхэм умыжей, си нэху,
Гъатхэм щIылъэр удзкIэ зэлъыIуех,
Ягъэ кIынкъым, нобэ сызэхэх,
Дунейм теткъым абы ищхьэ Iуэху,
Гъатхэ жэщхэм умыжей, си нэху.

Vocabulary:

1. дахэу: beautifully, prettily, attractively, well
2. абы: he, him, she, her, it (ergative case)
3. гъатхэ: spring (season)
4. хъыджэбз: 1. girl 2. virgin
5. балъкъэр: balkar (man, woman, language)
6. нобэ: 1. today 2. now, at present, in our days
7. уэр: 1. raging (river) 2. plentiful, a multitude of (people or things)
8. нащхьэ: see "псалъафэ зэпыщӏахэр"
9. мурад: goal, objective, intention
10. нагъуэ: with brown or hazel eyes
11. абдеж: 1. there 2. at that time, since that time, since that moment, then
12. тхьэрыкъуэ: 1. dove, pigeon
13. ягъэ: 1. зло, вред 2. вина