Лъагъуныгъэр къандесджэгукъым

Мастэкъуаншэ щIыкIэу,
ЗэпэтIыгъщ къандес,
ЗэхуэдитI итщIыкIыу,
Дэ дызэбгъэдэсщ.
Лъагъуныгъэр, си псэ,
Ар мыкъандесджэгу,
ДыкъызэрыгъапцIэу
Дыздумыгъэджэгу.
КIэнфет нэхъ IэфIыр
Iэнэм къытыбох,
«Хэмыту, хэмыту», -
ЖысIэу къыпIызох.
Уэ сыкъэбгъэпцIэну
Iэмал къогупсыс,
Сэ ди лъагъуныгъэм
Щэхуу согупсыс.
Къандесыр сфIэпхьыныр
СыткIэ хьэлэмэт?!
Си гур сфIэпхьэхуащи,
Ар уи анэмэтщ.

Vocabulary:

1. хьэлэмэт: interesting; marvellous, wonderful
2. нэхъ: 1. more, to a greater degree or extent 2. except, unless, perhaps, maybe, only
3. щэхуу: 1. secretly, in secret 2. quietly, soundlessly
4. мастэкъуаншэ: pin, safety pin, hatpin