ЩIы фIыцIэм

ЩIы фIыцIэм
Уафэ хужьыр къыщхьэщытщ.
Мыгугъэу тетыфынукъым щIым
ЦIыхур.
Арауэ пIэрэ цIыхур-тIэ
КъыщIалъхур
ЩIыгулъу фIыцIэ
Нэ кугъуитIым щIыгъуу,
И нитIым щIэлъу
Уафэ хужь бзыгъитI?
ЩIым тетщи цIыхур -
Уафэрщ иIэр плъапIэу.
Къэзылъхуа щIылъэр
Абы и псэм пещI.
Ауэ зылъэмыIэсу щыIэр
Iэбэм,
КъыIуидзэр и нэм,
ИIэтам и напIэр,
Уэгу хужьырщи -
Абы пIейтей псэр фIещI.
Мес,
Щос ар нобэ кхъухькIэ
Уэгу адрыщIым.
Мес, къыщекIухьыр кIуауэ
Мазэ щыгу…
ИтIани,
Вагъуэ лыдхэм нащхьэ къащIу
Елъагъури -
ЦIыхум псэху дунейм щимыщIэ:
Къелъыхъуэ
Вагъуэ жыжьэхэм я гъуэгу…
ИмыIэ
Зэи кIэ цIыхум и гугъэм.
Уэгу щIэншэр абы и гум
Пхуигъэхун?
Къытехуэу цIыхур
Хъуми нобэ лIэн:
ЩIыгулъу фIыцIэ
Нэ кугъуитIым щIыгъуу
И нитIым щIэлъу
ЩIылъэ фIыу илъагъум
Уафэ бзыгъитIи
Абы здыщIихьэнщ!
1969 гъэ

Vocabulary:

1. мазэ: 1. moon 2. month
2. уафэ: sky
3. вагъуэ: 1. star (heavenly body) 2. star (geometric figure or an object of such a form)
4. ауэ: but, however, on the other hand
5. зэи: never
6. абы: he, him, she, her, it (ergative case)
7. нобэ: 1. today 2. now, at present, in our days
8. нащхьэ: see "псалъафэ зэпыщӏахэр"
9. уэгу: freckles
10. гъэ: 1. year 2. summer
11. хужь: 1. white (colour) 2. light, pale (not dark) 3. with light skin (as a trait of race)