Гугъэ

Гугъэр цIыхум ену хуохъур дамэ,
Гугъэм цIыхур тырегъэхьэ гъуэгу.
Гугъэм лIыгъэр гъусэ хуищIыфамэ,
ЦIыхум гугъэр щIегъэкIыф и нэгу.
Ауэ гъащIэр мэхъу щыгущIэгъуншэ,
Къохъу уэсэпсу гугъэр щыкIуэдыж,
Къохъу пщIэнтIэпсри гъуэгури хъууэ пщIэншэ,
УзыщIэкъур къыщомыхъулIэж.
Ауэ абы къикIкъым гъащIэм жиIэу:
«КIэрыкI псоми, гугъэ умыщIыж».
МурадыщIэ нэхум уи гур хуеIэу
Гугъэм и гъуэгущIэм теувэж.

Vocabulary:

1. ауэ: but, however, on the other hand
2. абы: he, him, she, her, it (ergative case)
3. гугъэ: 1. hope, dream 2. intention
4. гъусэ: 1. travel companion, fellow traveller, mate 2. partner, coworker, colleague, workmate